मी बामण छौं 
Mi Baman Cho



मी बामण ये वास्ता नि छौं कि—

मीन के बंस बिसेस मा, 

कै गोत्र बिसेस मा, 

के जाति बिसेस मा, 

जन्म ल्याई। 


बल्कि ये वास्ता बामण छौं कि—

मीन अपना चित्तरूपी बीज तै

चेतना कूपाणिन सींचिक चमकाई, 

सचेत काई अर महावृक्ष बणाई। 

वे पर दया, ममता, सहयोग, सहानुभूतिक, मिट्ठ फल उगैन । 

मी के व्यभिचारिक, दुराचारिक तंबू नि बणू । 


मी बामण ये वास्ता नि छौं कि—

मीन वेद-पुराण, धर्म सास्त्र पढ़ीन । 

लम्बी चोटी, लम्बी धोती, 

गलद माला-जन्यो पैनी। 

या पढ़दू-पढ़ाँदू, लिखुदू-लिखाँदू रौं, 

प्रयाग-पवू पर नयाँदू रौं, 

टीका-तिलक लगाँदू रौं, 

तीर्थ स्थान मा जाँदू रौं । 


बल्कि ये वास्ता बामण छौं कि—

मी सत्यवादी, सत्यान्वेसी, एकान्त सेवी अर मानवतावादी छौं। 

मनुस्यौं मा ही दिखुदू अपण इस्टदेव । 

ऊँ पर ही बलिहारी छौं। 

ए से हँद-दिव्यात्मा'।

मनुष्य- 'महात्मा', 

तब उ निरै जाँद सिर्फ-बामण',

बल्कि सब बन्धन मुक्त ह्वेक, 

ह्वजांद- ‘ब्रह्मा’ ।