अपणो राज्य  उत्तराखंड
Apno Rajya Uttarakhand



आज उरावा कौथिग बैंण्यूँ, आज बाला दिवा 

अपणो राज्य बणीगे, बैणियूँ, आज सभी मांगल गावा 

बड़ी खौरी खंईं च तुमन, बड़ी लाठी खंईं छै तुमन, 

वू लाठियूं की छाप सब्यूँ की जिकुड़ी मा छपी छन 

धौ-धौ से मिली यू राज्य, 

ये तै सम्भाली रखिन ।

जॅदरी को घघराट, गंजेली को घमघ्याट 

नी सुणैदिन आज कखी, झिवयूँ की छमणाट 

अपणी संस्कृति तै बचावा, रीति रिवाज निभावा, 

ना करा कैकि सिक्कासौरी, अपणो नौ अगनै बढ़ावा 

आज... 

पहाड़ों पर क्वी ध्यान नी देई, नी करो यख कू विकास 

डोखरी पुंगड़ी बाँजी वेनी, बणों कू करीदे विणास। 

जंगल की जड़ी बूटी वनस्पति, तैं हम सभी बचौला, 

घर घर उद्योग लगै की बैण्यं राज्य तैं अगनै बढ़ौला।