ਖੂਨ-ਦਾਨ 
Blood Donation



ਖੂਨ-ਦਾਨ ਬਹੁਤ ਵੱਡਾ ਦਾਨ ਹੈ। ਖੂਨ ਦਾਨ ਕਰਨ ਨਾਲ ਕਿਉਂਕਿ ਰੋਗੀ ਨੂੰ ਨਵਾਂ ਜੀਵਨ ਮਿਲ ਸਕਦਾ ਹੈ ਇਸ ਲਈ ਇਸ ਨੂੰ ਜੀਵਨ-ਦਾਨ ਵੀ ਕਿਹਾ ਜਾਂਦਾ ਹੈ। ਇਸ ਤਰ੍ਹਾਂ ਖ਼ੂਨ-ਦਾਨੀ ਜੀਵਨ-ਦਾਨੀ ਹੁੰਦਾ ਹੈ। ਉਸ ਦੇ ਦਿੱਤੇ ਖੂਨ ਦਾ ਇੱਕ-ਇੱਕ ਕਤਰਾ ਕਿਸੇ ਦੀ ਬੁਝ ਰਹੀ ਜੀਵਨ-ਜੋਤ ਨੂੰ ਜਗਦੀ ਰੱਖਣ ਵਿੱਚ ਸਹਾਈ ਹੋ ਸਕਦਾ ਹੈ। ਇਸ ਤਰ੍ਹਾਂ ਖ਼ਨ-ਦਾਨੀ ਕਿਸੇ ਵਿਅਕਤੀ ਦੀ ਜਾਨ ਬਚਾਉਣ ਵਿੱਚ ਬੜੀ ਮਹੱਤਵਪੂਰਨ ਤੇ ਉਪਕਾਰੀ ਭਮਿਕਾ ਨਿਭਾਉਂਦਾ ਹੈ।ਉਸ ਦੁਆਰਾ ਦਿੱਤੇ ਗਏ ਖ਼ਾਨ ਨਾਲ ਕਿਸੇ ਘਰ ਵਿੱਚ ਮੁੜ ਖ਼ੁਸ਼ੀ ਅਤੇ ਬਹਾਰ ਆ ਸਕਦੀ ਹੈ। ਕਿਸੇ ਦੇ ਪੁੱਤਰ, ਭਰਾ ਜਾਂ ਪਤੀ ਨੂੰ ਮੁੜ ਜੀਵਨ ਮਿਲ ਸਕਦਾ ਹੈ। ਕਈ ਪਰਿਵਾਰਾਂ ਦਾ ਸਮਾਜਿਕ ਜੀਵਨ ਮੜ ਆਪਣੀ ਚਾਲੇ ਚੱਲ ਪੈਂਦਾ ਹੈ। ਇਸ ਤਰ੍ਹਾਂ ਮਨ-ਦਾਨੀ ਸਮਾਜ ਦੇ ਸਤਿਕਾਰ ਦੇ ਪਾਤਰ ਹਨ। ਖ਼ੂਨ-ਦਾਨ ਅਸਲ ਵਿੱਚ ਬਹੁਤ ਵੱਡੀ ਸਮਾਜ-ਸੇਵਾ ਹੈ। ਲੋੜ ਇਸ ਗੱਲ ਦੀ ਹੈ ਕਿ ਲੋਕਾਂ ਨੂੰ ਖੂਨਦਾਨ ਕਰਨ ਲਈ ਉਤਸ਼ਾਹਿਤ ਕੀਤਾ ਜਾਵੇ। ਇਸ ਲਈ ਖੂਨਦਾਨ ਕੈਂਪ ਲਾਏ ਜਾਣੇ ਚਾਹੀਦੇ ਹਨ ਅਤੇ ਖੂਨ-ਦਾਨ ਕਰਨ ਵਾਲਿਆਂ ਨੂੰ ਉਤਸ਼ਾਹਿਤ/ਸਨਮਾਨਿਤ ਕੀਤਾ ਜਾਣਾ ਚਾਹੀਦਾ ਹੈ। ਛੋਟੇ ਹਸਪਤਾਲਾਂ ਵਿੱਚ ਵੀ ਬਲੱਡ ਬੈਂਕ ਖੋਲ੍ਹੇ ਜਾਣ ਦੀ ਲੋੜ ਹੈ ਜਿੱਥੇ ਦਾਨ ਕੀਤਾ ਗਿਆ ਖੂਨ ਸਾਂਭਿਆ ਜਾ ਸਕੇ ਅਤੇ ਲੋੜ ਪੈਣ ਤੇ ਲੋੜੀਂਦਾ ਖੂਨ ਪ੍ਰਾਪਤ ਹੋ ਸਕੇ। ਸਾਨੂੰ ਚਾਹੀਦਾ ਹੈ ਕਿ ਅਸੀਂ ਬੇਦੋਸ਼ਿਆਂ ਦਾ ਖੂਨ ਨਾ ਬਹਾਈਏ ਸਗੋਂ ਖੂਨ ਦੀ ਵਰਤੋਂ ਕਿਸੇ ਦੁਰਘਟਨਾ ਜਾਂ ਬਿਮਾਰੀ ਦਾ ਸ਼ਿਕਾਰ ਵਿਅਕਤੀ ਨੂੰ ਮੁੜ ਜੀਵਨ ਦੇਣ ਲਈ ਕਰੀਏ। ਆਪਣਾ ਖੂਨ ਦੇ ਕੇ ਦੂਸਰਿਆਂ ਨੂੰ ਜੀਵਨ ਦੇਣਾ ਸੱਚ-ਮੁੱਚ ਹੀ ਬਹੁਤ ਵੱਡਾ ਪਰਉਪਕਾਰ ਹੈ।