कारखाना 
Karkhana



पाँच तत्वौंक बण्यं यु कारखाना । 

ए मा ज्ञान अर कर्म इन्द्रि काम करदन, 

ऊँक मान राखिन । 

असमै बिजलि बंद नि हाऊ, 

जरा ध्यान राखिन । 

दिल-दिमाग अर हथ्थक यदि त मेल करीली। 

बिजलिन यं तै ठीक गति देली। 

तबि तू ए कारखाना से जु-चैली, 

वी पैली। 

अस्ट सिद्धि-नवनिधि सब मीलल । 

आस-विस्वास बसन्त बणिक खीलल। 

सदभाव-प्रियभाउन, 

यदि तू कर्मचायूं तै जगैक, कुछ देक खुस राखिली। 

तबि तू कल्पवृक्ष बणिक मिटू फल चाखिली।