Garhwali, Uttarakhandi Poem "Prakriti", "प्रकृति " Complete Kavita in Garhwali Language.

 प्रकृति 
Prakriti

प्रकृति तै जु दीन-दुःख्यक – 

आश्रय माना करदन । 

उ विदेसी बिचारक अपण—

अन्दर भ्रम ही भरदन ।।

कुदरत चिर सहचर अपणी, 

वा जीवन दान दींद हम तै । 

पाँच तत्वों से निर्मित छ या,

क्यों कू सक-सन्देह छ तुम तै ? 

रस-राग, विराग छ यी मा, 

हवा पाणी, आग छ यो मा। 

रत्नगर्भा नाम छ यी क, 

जीवन कू हर साज छ यों मा ।।

अपणुं अन्दर कू मधुकोस, 

कख खोली सकदू यू मानव, 

रस-राग प्रकृति क लियाँ बिना 

यू मानव केवल छ दानव ।।