अपणा लोग 
Apana Log



अपणी धरती अपणा लोग, अपणी छंवीं अर अपणों जोग

लोला उत्तराखण्ड मा देखा, उत्तराखण्ड मा

लोग नी बोलदन अपणी भाषा

देखि सुणिकी होन्द निरासा

स्यां पर नया जमनु कू पौड़यूँ विजोग

हमारा उत्तराखण्ड मा ये लोला उत्तराखण्ड मा पोडयूँ विजोग

अपणी कूडी अपणी सगोड़ी,

बाँजि कैरिक ऐगिन छोड़ी,

पैंछू लेकी ड्यारादूण मा बसगिन सैरा लोग,

हमारा उत्तराखण्ड मा ये लोला उत्तराखण्ड मा पोडयूँ विजोग

बाँज कुलैं देवदार छुटी,

धारा पंदेरा मगरा छुटी,

बासी खाणू बासी पीणू न लगगिन बिन्डी रोग,

हमारा उत्तराखण्ड मा ये लोला उत्तराखण्ड मा।

क्याँ का जी बाना खौरी खाई,

क्याँ का जी बाना लड़ी लड़ाई,

जन्नी क तन्वी दिखेणा हालात, हर्ची सव्यूं को जोग

हमारा उत्तराखण्ड मा ये लोला उत्तराखण्ड मा पोडयूँ विजोग