हमारू उत्तरांचल 
Hamaru Uttaranchal



यो हमारु उत्तरांचल अर प्यारु उत्तरांचल 

हे भै बन्धु सुणल्यावा, यो च न्यारु उत्तरांचल 

यख बनी बनी का लोग अर बनी बनी विचार 

पर अलग राज्य चैंद छ सव्यूं तै स्वीकार 

यो हमारु उत्तरांचल....... 

क्वी डंडा झण्डा नी छा पर लोग छा तैयार 

हे सड़क्यूं मा अफ्वी ऐन, खुला छोडिक संघाड। 

यो हमारु उत्तरांचल.......


सबी बाला, दाना, सयाणा, सबी बैख अर कज्याण 

हे कठ्ठा होई गैनि, लेकर हाथ्यू मा निसाण 

यो हमारु उत्तरांचल......


ये राज्य खुणि देई कई मनख्यूं न जान, 

राजेश, हंसा धनेई जनी, बेलमती चौहान 

यो हमारु उत्तरांचल...


जन गाण्यूं मा सुमिरदां, जनी स्वीणों मा हेरदा 

हे भलो-भलो सी होलो, हे देवतों दैण्या हुय्या

यो हमारु उत्तरांचल......


अब राज्य अपणू बणिगे, त सबी सौं खावा, 

हे तन मन लगै कि 5 अगनै ये लिजावा, 

यो हमारु उत्तरांचल..