एक सवाल 
Ek Sawal



एक सवाल उठ्यूँ च, कनके बणलू उत्तराखण्ड 

साल-पर-साल बीतिन, कनके बणलू उत्तराखण्ड 

धै लगौणा छन यू पुंगड़ा पटोला 

धै छन लगौण, यू डाला बोटा 

हे उत्तराखण्डीयूँ तुम सुणी ल्यावा 

भैर किलै बस्याँ, इनै आवा, 

एक सवाल......


दन दन कटेणी छन डाली बोटी 

खरड़ी हे गिनी, डांडी काठी 

हे उत्तराखण्डीयूं तुम बीजि जावा 

ई भूमि तैं तुम बचै ल्यावा 

एक सवाल 


बिंडी हुयाँ छन यख नेता 

नी च दिखेणी तौंम एकता 

हे उत्तराखण्डीयूँ तुम बींगी ल्यावा, 

मुट्ठी बोटी की एकता लावा। ए

क सवाल...


किलै नी होयू यख कू विकास 

कैन करी यख कू विणास 

हे उत्तराखण्डियूँ तुम चेत जावा 

राज्य बणै की उन्नति लावा 

एक सवाल उठयूँ च, कनके बणलू उत्तराखण्ड।