जय देव भूमि उत्तराखंड 
Jay Dev Bhumi Uttarakhand



जय देव भूमि, प्यारी गढ़ भूमि 

त्यारा बाना तरसिनी सदनी ऋषि मुनि 

जय देव भूमि ...... 


जौन त्वे मा जनम ले तौं मा तेरु वास 

दया धर्म वीरता कू दियूँ आशीर्वाद 

जय देव भूमि 

तिन हमतै द्याय इनो सच्चो ज्ञान 

अपणू रस्तां अफ्वी बणौण मुठिठ बांध जान, जय………


तिन पाली पोसी की हम बड़ो करी, 

तेरा ऋण कू मी रौलू आजीवन ऋणी जय………..


चौतरफी देवी देवता चौं तरफी तीर्थ, 

तभी औन्दन लोग त्वे मूं लेणू कू आशीष 

जय देव भूमि…..


तिन पालि पोसी की, हम तैं बड़ो करी 

तेरो ऋण को मी रौंलू, आजीवन ऋणी 

जय देव भूमि....... 


तेरी गोदी प्यारी भूमि, सदनी हैरी रैली 

जब औंला त्वे मा हम तैं गात ऽ लगैली 

जय देव भूमि.....