मी खुदेडू छौं 
Me Khudedu Cho



सरग को गड़गड़ाट गदिन्यूं को सरसराट 

उदास परांणी नी मनद 

हे ..... हे जिकुड़ी कसैण लगी जान्द 

रुम-झुम बरखा, छुम छुम छोया, 

हाँ भाँ डांडा स्वाणा-स्वाणा होला 

मी खुदेणू छौं मी, खुदेणू छौ, मी खुदेणू छौं 

सरग कू गड़गड़ाट....... 


नथुलि को झिमलाट। 

झिंवारियूँ की छमणाट 

डाँडा-डाँडा गुमणाट, 

गूँ ऽ ऽ जदी होली 

मी खुदेणूं छौ 

सरग... 


छवटि-2 बिज्वाड़ सैणा सैणा सेरा 

दगड्या भग्यान कन रोपदी होली 

मी खुदेणू छौं ऽऽऽ 

सरग........ 


रूम झुम बरखा, छुम छुम छोया 

हैरा-भैरा डांडा कन दिखेंदा होला 

मी खुदेणू छौं ऽऽऽ 

सर रर यख बथो उड़णी, मन उडीग्ये डांडयूं और 

सटुला, पोथला, नचणा होला, बरखा होली झकाझोर 

मी खुदेणु छौं.ऽ ऽऽ 

सरग कूगड़गहाट......