मेरी लाडी 
Meri Ladi



ब्वे बाबा की ल्ही जा लाडी आशीष 

पैटी गैन मेरी लाडी तेरा सौरासी 

बिसरी जै लाडी, खौरी मैत की 

नी पाली संक्यू लाडी त्व अनक्वेई 

आंसू न ढोल लाडी, तू, ना खुदेई 

पैटी गैन मेरी लाडी तेरा सोरसी 

जनी मेरी लाडी तू बेटी मेरी छई 

तनी अपणा सौरस्यूं की बेटी बण जई 

सासु जी की सेवा मा कसर नी छोड़ी 

पैटी गैन मेरी लाडी त्यारा सौरसी 

तुलसी जनी पवित्तर फौंकी जिकुड़ी की 

कुल कू उद्धार होलो सेवा करीकी 

आँख्यू मा सदनी तेरी मुखड़ी राली 

पैटी गैन मेरी लाडी तेरा....... 

हैंसदी खेलदी रै तू सैरी जिन्दगी 

खुट्यूं मा चुभला कान्डा ना घबरैई 

बड़ी च कुटुमदारी तू ना पिलसेई 

तेरी गाणी मेरी लाडी सब फली जई 

पैटी गैन मेरी लाडी त्यारा सौरासी।