स्या च मेरी पाहड़ ब्वे 
Sya Cha Meri Pahad Buwe



खौरियूं का डिसाण लगै, रात दिन एक कै   

स्या च मेरी पाहडै ऽ ब्वे 

माणीयूंका लगुला बूती, हाथ तैका कुछ नी ऐ 

स्या च मेरी पाहडैड ब्वे? 

हायूँ की कचकी ज्यूं की त्यू, खुटयूँ पर पडी बिबैं 

स्या च मेरी पाहडै ऽ ब्वे 

धार गाड खाल भेल, हिटी हिटी तै पार कै

स्या च मेरी पाहडै ऽ ब्वे 

जनी भैर तनी भीतरयू, छल छपट नी जाणी क्वै 

स्या च मेरी पाहडै ऽ ब्वे 

किरमोली सी किसाण, रात दिन करदी धाण 

अपणा गिच्चा कू गफा, नौनू ते खिलांदी रै 

स्या च मेरी पाहडै ऽ ब्वे 

औन्दरु की आवभगत, जान्दौरों ते समूण 

द्यौ देवतों की पूजा देन्दी, पितरो तै सलादी रै  

स्या च मेरी पाहडै ऽ ब्वे।